Basi mpe bana basi bazali konyokwama mingi na ntango ya bitumba. To découvrir ensemble nini ezali koleka pe pona nini ezali important tosala action!
Lapolo moko oyo euti kobima na ONU, oyo António Guterres alakisaki, ekebisi biso na mokakatano moko ya monene mpenza: liwa ya basi oyo bazali na bisika oyo bitumba ezali se kobakisama. Esali mibu 24 wuto mokano 1325 esalemaki mpo na kobatela basi mpe kosangisa bango na misala ya kimya, kasi makambo mazali kobeba.
Koleka basi mpe bana basi milio 600 bazali kotungisama na bitumba ya minduki, oyo ezali komonisa bokóli ya 50 % na boumeli ya mbula zomi mpamba! Mituya yango ezali kobangisa. Na ntango ya bitumba, mbala mingi basi bazwaka mobulu, mpe bato babosanaka ntomo na bango. António Guterres alobelaki mingi ete ntomo ya basi, oyo ezwamaki na milende mingi, ezali sikawa na likama. Na se ya 10% ya baye bazali kosangana na masolo ya kimia bazali basi, oyo ekoki mpenza te. Lisusu, atako mosolo oyo mokili mobimba mobimisaka mpo na basoda ekómi mingi mpenza, na ndakisa dolare miliare 2,44 na 2023, kaka 0,3 % ya lisalisi oyo esalemaka mbula na mbula nde epesamaka mpo na kobatela ntomo ya basi.
Na mbula oyo, makambo mazali lisusu makasi koleka: motango ya basi oyo babomami emati mbala mibale, mpe mobulu ya kosangisa nzoto oyo etali bitumba emati na 50%. Bana basi bakabwani te, na bomati ya 35% ya ba violations graves contre bango. Sima Bahous ya ONU Women amonisaki komitungisa na ye mpo na basi oyo bafandi na Afghanistan, Gaza, Soudan, mpe bitúká mosusu oyo bitumba ezali. Asengi mikano ya makasi ya politiki mpe bobakisi misolo mpo na kobatela basi. Soki te, kimya ekoki kotikala ndɔtɔ ya mosika.
