Fatou Ndiaye ye Franco-Senegali injiniyɛri ye. A y’a ka baara bila Pari ka taa finiko iziniba dɔ daminɛ kokura a ka dugu Louga la, Senegali jamana na, walasa k’a ka dugu dɛmɛ ani ka funankɛninw ka bɔli dabila sariya siratigɛ la.
Don dɔ, Fatou ye maana dusukasilen dɔ ye Louga kamalenninw kan minnu bɛ gɛlɛya la Pari. O y’a Minɛ kosɛbɛ wa a y’a Лini k’a ka dugu Dɛmɛ. A y’a latigɛ ka Pitex izini lakunu, izini min tun nafa ka bon dugu ma nka a tun datugulen don.
Fatou y’a ka so feere Pari walasa wari ka sɔrɔ izini in na. Sisan, mɔgɔ 30 bɛ baara kɛ yen wa a b’a fɛ ka baarakɛyɔrɔ caman wɛrɛw dabɔ walasa ka kamalenninw bali ka bɔ yen. A bɛ finiw fana lasegin u cogo kɔrɔ la, wa a b’a fɛ ka baara kɛ ni tile fanga ye izini in kama.
Fatou ye baara kɛ kosɛbɛ walasa a ka sugo ka kɛ tiɲɛ ye. A ye kàlan Kɛ Senegali o kɔ fɛ Faransi. Baara nafamaw tun b’a bolo nka a tun b’a fɛ k’a ka dugu dɛmɛ. Sisan a bɛ finiw dilan sigida suguw ni ntolatantɔnw ye.
Fatou izini kɛrɛnkɛrɛnnen don bawo a bɛ sigida dɛmɛ, k’a ka baarakɛlaw dege. A b’a fɛ ka baarakɛyɔrɔ 40.000 dabɔ, k’a jira ko jagokɛla misɛnninw bɛ se ka fɛnba kɛ Afiriki kɔnɔ.
