Francis Nderitu, mobandisi ya Keep IT Cool, asalisaka basali bilanga ya mike mpe babomi mbisi kobatela milona mpe mbisi na bango na nzela ya invention oyo ezali na boyokani na ekolo.
Francis Nderitu azali entrepreneur ya Kenya oyo azwaki mokano ya koluka solution mpo na kosunga basali bilanga ya mike mpe babomi mbisi kobatela biloko na bango. Na nzela ya société na ye, Keep IT Cool, azali ko installer ba entrepôts ya frigo oyo esalaka na énergie solaire na ba villages mpe na ba ports ya koboma mbisi. Ba frigo spéciaux wana epesaka nzela na kobomba ba fruits, légumes mpe mbisi tango molayi, oyo ezo éviter ba pertes mpe ekitisaka ba déchets ya biloko ya kolia. Na yango, babomi-mbisi mpe basali-bilanga bakoki kotɛka biloko na bango na bisika ya malamu, kozanga komitungisa mpo na kobungisa biloko oyo euti na molunge.
Eleki mwa mikolo, Keep IT Cool ezwaki Prix ya lokumu ya Earthshot na catégorie « Kotonga mokili oyo ezangi bosoto », prix international oyo Prince William abandisaki. Prix eye ya 1 million ya ba livres sterling ekopesa nzela na Francis na équipe na ye ko augmenter misala na bango na Afrique de l’Est mobimba, na ba plans ya kosunga mpe ba agriculteurs ya poulet.
Mpo na Francis, mbano oyo ezali litambe monene mpo na ndoto na ye ya kosala ete molongo ya bopesi bilei ezala vert mpe ezala makasi na ba effets ya changement climatique. Alingi ete basali bilanga ya mike mpe babomi mbisi bazwa mayele ya tekiniki lokola ba entreprises minene, mpo na kosalisa bango bamibatela mpe bazala na bomengo.
