Maram Kaïré ye sankololafɛnw dɔnbaga ye min bɛ Senegali dɛmɛ ka sankolola sɛgɛsɛgɛli kɛ. I n’a fɔ Senegali sankololatɔn ɲɛmɔgɔ, a bɛ da kura da an ka jamana ye sankolo dolow kɔnɔ.
Kabini a denmisɛnman, dolow filɛli ka di Maram Kaïré ye. A si san 12 la, Challenger ka pankurun kasaara kɔfɛ, a ye sankololafɛnw kanu. Hali ni Senegali jamana na, minɛn caman tun tɛ yen, a si san 14 la, a y’a yɛrɛ ka teleskɔpu dilan! O kɔfɛ, a ye Senegali sankololatɔn dɔ sigi senkan walasa ka dusu don i bɔɲɔgɔnko kamalenninw na.
NASA, n’o ye sanfɛla baaradaba ye, o y’a ka baara kɔlɔsi, k’a ɲini a fɛ a ka dɛmɛ don cidenyabaara kɛrɛnkɛrɛnnen dɔ la min bɛ Pluton kɔfɛ. 2018 sàn, a ye cidenyabaara dɔ Kɛ ka ɲɛ New Horizons sɛgɛsɛgɛli kama, o min ye diɲɛ bɛɛ kabakoya kosɛbɛ.
Maram Kaïré ye Senegali jamanakuntigi lasun a ka Senegali sankolola kalanso dabɔ san 2023. Sisan a bɛ baara kɛ Senegali ka sateliti fɔlɔ kan, wa a b’a fɛ ka sateliti caman wɛrɛw lase yanni dɔɔnin cɛ ! Porozɛ dɔ fana b’a bolo walasa ka ‘Senegal Space Valley’ da, dugu min bilalen bɛ yɔrɔko la i n’a fɔ Toulouse Faransi walima Floride Ameriki.
A hakili la, yɔrɔ nafa ka bon kosɛbɛ Afiriki ma. Satelitiw bɛ se ka dɛmɛ don yɔrɔ caman na i n’a fɔ sɛnɛ, kɛnɛya ani lakana. Maram Kaïré b’a fɛ Farafinna denmisɛnw fana ka siko kɛ ka kɛ sanfɛlabɔlaw walima sankolola dɔnnikɛlaw ye. O de y’a to a bɛ baara kɛ kosɛbɛ wa Senegali bɛ waso a la kosɛbɛ !
