Mbula ya makasi mpenza ebɛtaki Afrika ya Ɛsti, mpe ebimisaki mpela mpe mabele ekweaki. Bato mingi basengeli kolongwa na bandako na bango mpo na likambo yango.
Banda bapɔsɔ mingi, mbula ebɛtaka mingi na Afrika ya Ɛsti. Likambo ya mawa, mbula makasi wana esalaka mpela mpe mabele ekweaka. Vendredi eleki, ebongiseli moko esakolaki ete pene na bato milio 5 basengelaki kolongwa na bandako na bango mpo na mbula mpe mikakatano oyo yango ezali kobimisa.
Mingi kati na bato yango bautá na Soudan du Sud, mboka ya pembeni, epai mikakatano ya bitumba ezali. Eza pe na batu ebele oyo baza na mboka ya koyamba bango te po baza na ba papiers d’identité te. Na mobimba, pene na bato milio 18,4 basengelaki kolongwa mpo mbula to bitumba.
Mbula yango ebomaki bato mingi mpe bazokaki mingi. Longola yango, mpo na etumba oyo ezali kosalema na Soudan, bato mingi basengeli kolongwa na bandako na bango mikolo nyonso. Soudan du Sud, mboka ya pembeni, esi eyamba bato koleka 655.000, mpe bato 1.800 mosusu bazali koya mokolo na mokolo.
Na etuka oyo, ezali na ebongiseli moko oyo babengi Autorité intergouvernementale sur le développement (IGAD). Esalemi na bikolo mwambe ya Afrika ya Ɛsti, lokola Djibouti mpe Kenya. Balukaka kosalisa bato wana nyonso oyo bazali na mposa ya lisalisi mpo na mbula mpe bitumba.
