Misira jamana ka fɛnkɔrɔw ɲininikɛlaw ka kulu dɔ ye masakɛ Ramses II ja yɔrɔba dɔ sɔrɔ, o min tun ye Misira kɔrɔlen ka faraon fangatigiba dɔ ye. A ka di kosɛbɛ ka Misira tariku kɔrɔw ni a ka laadalakow faamuya.
Sɛgɛsɛgɛliw kɛtuma na Misira dugu saheliyanfan Minya la, fɛnkɔrɔw ɲininikɛlaw ye masakɛ Ramɛsɛ II ja yɔrɔba dɔ sɔrɔ. O yɔrɔ in, n’a dilannen don ni kɔ̀lɔn ye, a janya bɛ Taa mɛtɛrɛ 3,8 ɲɔgɔn na. Ja in b’a jira ko Ramses sigilen bɛ, a bɛ ni masafugulan fila ye ani a ka kurunba dɔ bɛ ni masakɛ sa ye a kan. Ja in kɔ fɛ, ja kɛrɛnkɛrɛnnenw bɛ yen minnu bɛ kuma masakɛ kan. Ramses II, min tun bɛ wele fana ko Ramses le Grand, tun ye faraon fangatigiw dɔ ye Misira kɔrɔ la.
Nin sɔrɔli in bɛ fɛn caman fɔ an ye El Ashmunein dugu kan, min tun bɛ wele fɔlɔ ko Khemnu, wa a tun ye Hermopolis Magna mara faaba ye. Fɛnkɔrɔw ɲininikɛlaw y’a Jira ko nin ja in yɔrɔ in bɛ Bɛn ni yɔrɔ wɛrɛ ye min Sɔrɔla 1930 sàn na Alemaɲi fɛnkɔrɔw ɲininikɛla dɔ fɛ, n’o ye Gunther Roeder ye. Sisan, fɛnkɔrɔw ɲininikɛlaw bɛna o yɔrɔ saniya ani k’a labɛn walasa ka ja in bila a bɛɛ lajɛlen na.
