Kigali Politekniki Kolɛji (RP Kigali Kolɛji) kalandenw ye baara kɛ min tɛ se ka da a la: u ye farikoloɲɛnajɛ mobili dilan ni Fédération Internationale de l’Automobile (FIA) ka dɛmɛ ye. A jirala FIA ka lajɛba kɛrɛfɛ, min labɛnna a siɲɛ fɔlɔ la Afiriki kɔnɔ, nin mobili in ye waso sababu ye farafinna jamana bɛɛ bolo !
A dilannen don dɔgɔkun saba dɔrɔn kɔnɔ, nin mobili in, n’a dabɔra bolifɛntigi kelen de kama, o jirala jamanakuntigi Paul Kagame ni Mohamɛdi Ben Sulayem ɲɛkɔrɔ, n’o ye FIA ɲɛmɔgɔ ye. Walasa k’u dɛmɛ, Ɛsipaɲi fɛɛrɛtigi dɔ ni yɔrɔ minnu man ca, olu dira FIA fɛ, k’a jira ko jɛkafɔ bɛ sigida dɔnniyaw ni diɲɛ dɔnniyaw cɛ.
« Afiriki falen bɛ seko ni dɔnko danmadɔw la, nka a ka c’a la, u tɛ sababu sɔrɔ », jamanakuntigi Kagame y’o fɔ, k’a sinsin nin porozɛ sugu in nafa kan walasa ka Afiriki kamalenninw ka sekow yiriwa.
O seko in na, Rwanda b’a jira k’a labɛnnen don ka jɔyɔrɔba ta motospor la, wa, jɔn b’a dɔn, n’a sɔrɔla don dɔ ka Formula 1 Grand Prix kɛ !
