Na Phenoma, na motema ya Iniversite Mohamed VI na Benguérir, balukiluki ya Afrika bazali kobimisa mboto ya sipesiale oyo ezali koboya mbongwana ya klima. Ba graines oyo ya super makasi ekoki kozala changeur ya jeu pona sécurité alimentaire na Afrique pe na mokili mobimba!
Na Benguérir, na Maroc, ezali na Phenoma, esika ya siansi epai balukiluki bayekolaka mboto ya sipesiale oyo ekoki koyika mpiko na molunge makasi mpe kokauka.
Salma Rouichi, ingénieur ya bolukiluki, alimboli ete mboto yango oyo babosani ezali na biloko mingi oyo esalisaka nzoto ezala malamu mpe esɛngaka kobatela yango mingi te, oyo ezali malamu mpenza mpo na basali bilanga ya Afrika. Bakoki kosalisa na koleisa bato ata na ntango ya mpasi oyo euti na mbongwana ya klima.
Moez Amri, moto moko ya mayele na makambo ya ba gènes ya banzete, amonisi ete Benguerir, lokola molunge ezali makasi mpe mbula ebɛtaka mingi te, ezali komonisa ndenge oyo klima ekoki kozala bisika nyonso na mikolo ezali koya. Oyo bazali ko développer awa ekoki kosalisa kaka na Afrique te, kasi mpe na mokili mobimba.
Phenoma esalaka elongo na balukiluki na Etats-Unis, Canada mpe Asie mpo na kosala ba solutions unique oyo ewutaka na Afrique mpe ekoki kosilisa mikakatano ya mokili mobimba. Lokola Salma Rouichi alobi: “Kouta na Afrika mpo na Afrika, mpe uta na Afrika mpo na mokili!”
