Sheila Mbae, entrepreneur ya Kenya, asala Geuza Ltd mpo na kosala ba prothèses oyo ebongoli bomoi ya bato ya bokono ya nzoto. Na mosala na ye, azali kosala ete bankóto ya bato bátambola mpe báfanda na pɛtɛɛ nyonso mokolo na mokolo. Tala lisolo na ye ya kofula.
Sheila Mbae azali elenge mwasi oyo atondi na makanisi mpe mpiko. Abandisaki Geuza Ltd, kompanyi oyo esalaka baaparɛyi mpe biloko ya kosala na nzoto mpo na kosalisa bato oyo bazali na bokono ya nzoto. Mokano na ye? Kobongisa bomoi ya baye bazali na mikakatano ya kotambola na kopesaka bango ba solutions pratiques.
Na 2024, Sheila asanganaki na momekano monene oyo babengi Hanga Pitchest, oyo ebongisamaki na Rwanda na ntango ya likita ya YouthConnekt. Projet na ye ya kokamwa ekamwisaki jury mingi na boye ete alongaki esika ya mibale, akomaki moko ya balongi mitano ya édition oyo.
Na nzela ya Geuza Ltd, Sheila azali kolakisa ete na passion mpe na technologie, okoki kosala ete mokili ezala inclusive. Ba prothèses na yango, ezala mpo na maboko to makolo, esalisaka bato bázala na lipanda mingi mpe bámityela lisusu motema.
Sheila asuka kaka wana te : azali kolɔta kosala ete ba inventions na ye ezala accessible na batu mingi koleka na Afrique mobimba. Na mosala na ye, amonisi ete kosalisa basusu ezali moko ya mikakatano minene oyo tosengeli kokutana na yango!
