Nowanburukalo tile 27 san 2024, bɛnkan nafama dɔ bolonɔ bilala walasa ka denmisɛnw lakana kakawo sɛnɛyɔrɔw la Côte d’Ivoire, Gana jamana na, ani Ameriki jamana ka dɛmɛ fɛ. Nin bɛnkan in bɛ dɛmɛ don walasa denmisɛnw kana baara kɛ cogo la min tɛ lakana.
Nowanburukalo tle 27, san 2024, seliba dɔ Kɛra Côte d’Ivoire walasa ka bolonɔ Blà bɛnkan kura dɔ la min nafa ka bon kosɛbɛ. Muso fɔlɔ, Madamu Dominique Ouattara, y’a jira ko Côte d’Ivoire, Gana, Ameriki ani kakawo dilannikɛlaw y’a latigɛ ka baara kɛ ɲɔgɔn fɛ walasa ka denmisɛnw ka baara ban kakawo sɛnɛyɔrɔw la.
Madamu Ouattara ye layidu ta ko a bɛna fɛn bɛɛ kɛ walasa ka denmisɛnw lakana ani ka kalan ɲuman di u ma. O laɲini ye ka sababu di denmisɛnw ma u ka taa lakɔli la, u kana baara kɛ forow la tugun. A y’a ɲɛfɔ ko o bɛna kɛ gɛlɛyaba ye, nka n’u ye baara kɛ ɲɔgɔn fɛ, u bɛna ɲɛ sɔrɔ.
Jamana fila bɛɛ ka gɔfɛrɛnamanw ni kakawo sɛnɛbagaw y’u cɛsiri ka ko in kɔlɔsi kosɛbɛ, ka fɛɛrɛ tigɛ walasa denmisɛnw kana nafa sɔrɔ tugun. Nin bɛnkan in bɛna kɛ fo san 2029, wa a laɲini ye ka siniɲɛsigi ɲuman di denmisɛnw ma o mara ninnu kɔnɔ.
