AI ni robow bɛ na lakɔlisow la!
Farafinna karamɔgɔw bɛ ka dege walasa ka kamalenninw dɛmɛ u ka hakililata ni robow sɔrɔ. O wale in bɛ se ka na ni fɛɛrɛ kuraw ye lakɔlisow kɔnɔ sɔɔni.
Bi, sɛtanburukalo tile 28, porogaramu dɔ bɛ daminɛ Afiriki tilebinyanfan fɛ min ɲɛsinnen bɛ hakililata ni robow ma. Karamɔgɔw bɛna baara kɛcogo dɔn ni o fɛɛrɛ ninnu ye ani ka AI ni robotiki kuluw labɛn minnu sinsinnen bɛ lakɔlisow kan. Porogaramu in ɲɛmɔgɔya bɛ diɲɛ telefɔniko tɔnba (ITU) bolo, ni dɛmɛ ye ka bɔ Google.org fɛ ani ka jɛkafɔ kɛ ni UNICEF ka Giga baara ye.
Nka mun na an bɛ mɔgɔw kalan robow ko la lakɔlisow la? Sabula robo tɛ masin ye min bɛ lamaga dɔrɔn! Walasa ka kelen jɔ walima ka porogaramu kɛ, aw ka kan ka miirili dege, ka gɛlɛyaw ɲɛnabɔ, ka kode kɛ, ani ka baara kɛ jɛkulu ye.
Laɲini fana ye ka baarakɛminɛnw di kamalenninw ma walasa u ka se ka hakililata faamuya, wa, laala don dɔ, u k’u yɛrɛ ka fɛɛrɛ kuraw da.
Ani e, n’i ka lakɔli ye robo kulu dɔ da wuli sini… i b’a fɛ ka robo jumɛn dilan?
