Bambara
A la Une

Tariku…Aw ka maana fɔ! Amanirenas: Farafinna masamuso min y’a ja gɛlɛya ka Romɛ sɔsɔ!

A ka ca ni san 2000 ye, Farafinna masamuso dɔ jɔra diɲɛ kɔrɔlen mansamara fangama dɔ ɲɛkɔrɔ. A tɔgɔ ye? Amanirenaw ye!

Miiri k’a filɛ masamuso dɔ min tun tɛ siran ka mansamara belebeleba dɔ sɔsɔ! Nin ye Amanirenas ka maana ye, min ye Kush masaya kuntigi ye, min sigilen bɛ jamana min na bi Sudan.

San 24 ɲɔgɔnna Krisita tile ɲɛ, Romɛkaw y’u ka mara bonya ka don Misira ani ka sigiɲɔgɔn jamanaw bagabaga. Nka Amanirenas tun t’a fɛ k’u bila ka taa ɲɛ k’a sɔrɔ kɛlɛ ma kɛ ! A ka kɛlɛbolow kun na, a ye Romɛ sɔrɔdasiw kɛlɛli ɲɛminɛ.

O kɛlɛ in kɛra san damadɔ kɔnɔ. Fàn fla ninnu labanna ka bɛnkan Sɔrɔ hɛrɛ bɛnkan dɔ kan. O kɔfɛ, Kush masaya y’a ka fanga mara Nubi jamana yɔrɔba dɔ kan.

Amanirenas ma tariku kɛ dɔrɔn n’a ka jagɛlɛya ye. A kɛra Afiriki masaya taamasyɛn ye min y’a ka yɛrɛmahɔrɔnya lafasa ka ɲɛ Romɛ ma.

Yala i tun b’a dɔn wa? Meroë dugu kɔnɔ, n’o ye Kush Masaya faaba kɔrɔ ye, i bɛ se ka piramidi cɛɲiw lajɛ hali bi minnu jɔra o siwili fɛ!

Masamuso, kɛlɛbolo ani maana min ka kan ka fɔ!

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Bouton retour en haut de la page