Thabang, o ye fɛn dilabaga ye min bɛ tile fanga baara
Thabang Moashetsi ye Afiriki tilebinyanfan kamalennin ye min ye fɛn dilabaga ye, a ka di a ye ka fɛnw kɛcogo faamuya. A ka dɔnniya diyabɔli daminɛna lakɔliso la, a kɛlen kɔ ka fɛn dilannikɛla kamalennin wɛrɛw sɔrɔ. Bi, a bɛ ka masin dɔ dilan walasa ka tile pannew saniya ani k’a lajɛ k’u bɛ baara kɛ ka ɲɛ.
San 2019, a si tun bɛ san 12 la, Thabang taara dɔnnikɛla kamalenninw ka ɲɛjirali dɔ la. O yɔrɔ la, a ye kalandenw Sɔrɔ minnu b’u yɛrɛ ka fɛn dilannenw Jira. O ko kɛlen y’a bila k’a yɛrɛ ta da.
San damadɔw o kɔfɛ, a y’a mago don tile pannew la, o ye plati belebelebaw ye minnu bɛ tile yeelen ta walasa ka kuran bɔ.
Thabang y’a kɔlɔsi k’u bɛ se ka buguri ni nɔgɔ dalajɛ. O kɔfɛ, u ka kan ka saniya ani k’u baarakɛcogo lajɛ.
A ye ASAMS labɛn, o ye masin ye min bɛ se ka dɛmɛ don ka tile pannew saniya ani k’u kɔlɔsi.
Bi, Thabang bɛ ɔridinatɛri kalan kɛ Tshwane Iniwɛrisite la, wa a bɛ ka a ka fɛn dilannen labɛn n’a ka tɔn ye, n’o ye Allketek Energies ye. A ka porozɛ in bɛna kɛ jamana ka ɲɛɲini dɔ la san 2026 nowanburukalo la.
Thabang ka maana b’a jira ko i bɛ se ka fɛnkurabɔli daminɛ kabini lakɔli la. Tuma dɔw la, a bɛ kɛ dɔrɔn ka gɛlɛya dɔ lajɛ ani k’i yɛrɛ ɲininka ko: “Ne bɛ se k’o ɲɛnabɔ cogo di?”
