Zimbabue: Application dɔ min bɛ bangebagaw dɛmɛ
Zimbabue jamana na, porogaramu kura dɔ bɛ bangebagaw laadi u den fitininw ladoncogo ɲuman kan. Kɛnɛya, dumuni, boloci, sinji dili… bangebagaw bɛ se ka kunnafoni nɔgɔmanw sɔrɔ minnu bɛ se ka da u kan.
O porogramu tɔgɔ ye ko Rerai Umntwana, o kɔrɔ ye ko “ka den ladon.”
A dabɔra Zimbabue jamana ka kɛnɛyako ni denmisɛnw ka ɲɛtaa minisiriso fɛ, n’o ye UNICEF ye, k’a sababu kɛ Japon gɔfɛrɛnaman ka wariko dɛmɛ ye.
Bangebagaw bɛ se ka laadilikanw sɔrɔ denw ka balocogo, boloci, sin dili, u ka yiriwali, ani u ladoncogo ɲuman kan.
Application bɛ se fana ka baara kɛ offline ni a telesarsera. A bɛ sɔrɔ Angilɛkan, Shonakan ani Ndebelekan na, kan saba minnu bɛ fɔ Zimbabue jamana na.
Mun na nafa bɛ nin porogramu in na? Ɛntɛrinɛti kan, mɔgɔ bɛ se ka kunnafoni nkalonmaw walima laadilikan juguw sɔrɔ tuma dɔw la. Rerai Umntwana bɛ sira di bangebagaw ma u ka kunnafoni sɛgɛsɛgɛlenw bɛɛ sɔrɔ yɔrɔ kelen na.
Zimbabue ye jamana fɔlɔ ye Afiriki kɔnɔ min y’a yɛrɛ ka UNICEF ka diɲɛ tɔnba in bɔ kɛnɛ kan.
