A seginna ka taa lakɔli la! Yala i labɛnnen don wa?
O de don! Seliw banna… A waati sera ka segin lakɔli la! Nka yala i b’a dɔn denmisɛn joli bɛ diɲɛ kɔnɔ hali bi minnu tɛ se ka u ka lakɔlibɔrɔ ta sɔgɔma o sɔgɔma wa?
Bi, denmisɛnw ni funankɛnin miliyɔn 273 ɲɔgɔn tɛ lakɔli la diɲɛ kɔnɔ. Afiriki kɔnɔ, kalan sɔrɔli bɛ to gɛlɛyaba ye. O bɛɛ n’a ta, kow bɛ ka taa ɲɛ : kabini san 2015, denmisɛn miliyɔn 75 wɛrɛw donna lakɔliso la farafinna kɔnɔ.
Wa, k’a sɔrɔ kalanden kuraw bɛ ka u ka kalansow sɔrɔ, fɛn wɛrɛ bɛ senna: fɛnkurabɔli jiginni kalanko la ! Ɔridinatɛriw, telefɔni selilɛriw, nizɛriw, ani baarakɛminɛn kuraw bɛ se ka denmisɛnw dɛmɛ u ka kalan kɛ cogo wɛrɛ la ani ka dɔnniya sɔrɔ nɔgɔya la.
Nka kalan tɛ kɛ dɔrɔn ka sigi tabali kɔfɛ. A fana ye maana kalanni ye, ka ɲininkali kɛ, k’a ɲini, ka filiw kɛ, ka daminɛ kokura, ka fɛn dabɔ, ani ka ɲɔgɔn tila.
O la sa, nin lakɔli san kura in kama, i ka gɛlɛya fɔlɔ bɛna kɛ mun ye? Ka fɛn kura dɔ dege wa? Aw bɛ ka dɔ fara a kan wa? Ka ɲininkali wɛrɛw kɛ ka tɛmɛn fɔlɔ kan wa?
A bɛ i yɛrɛ de bolo! Wa sanko o bɛɛ la… aw ka lakɔli san daminɛ ɲuman kɛ!
