Gana jamana na, kamalenninw bɛ hakilinaw sɔrɔ dugukolo kan min falen bɛ binkɛnɛ na!
Gana jamana na, funankɛninw b’a fɛ k’a jira ko ka sigida lakanani fana bɛ se ka kɛ sababu ye ka jago ni baara daminɛ. U ka cidenyabaara : k’u hakilinaw sɛmɛntiya ka kɛ fura jɔnjɔnw ye sigida la !
Ni nɔgɔw kɛra fɛn nafamaw ye do? Walima ni funankɛninw ye fɛɛrɛ kuraw dabɔ walasa ka fanga dilan k’a sɔrɔ u ma nɔgɔ do? Gana jamana na, nin hakilina ninnu bɛ fɛɛrɛ dɔ kɔnɔ min bɛ dusu don farafinna kamalenninw kɔnɔ u ka wale kɛ dugukolo in kama.
Utikalo tile 22 ni 23, lajɛba dɔ kɛra Akra, o ye lajɛdenw lajɛ ɲɔgɔn fɛ gɛlɛyaba dɔ lamini na: ka fɛɛrɛw ɲini walasa ka sigida nafolo lakana ani ka sɔrɔko jɔ min bɛ sigida lakana kosɛbɛ.
Cikan ka nɔgɔn: kungow, dugukolow, jisigiyɔrɔw ani baganw nafa ka bon. U ka kan ka lakana, nka sigida minnu bɛ u bolo walasa ka balo sɔrɔ, olu fana ka kan ka lakana.
Kamalenninw bɛ se ka jɔyɔrɔba ta u ka hakilinaw n’u ka daɲɛw labɛnni sababu la. Ni ɲininikɛlaw, jagokɛlaw ani gɔfɛrɛnamanw ka dɛmɛ ye, u ka porozɛw bɛ se ka bonya ka kɛ jago lakikaw ye.
Hakilina min tɛ fɛnɲɛnamaw tiɲɛ, o bɛ se ka dugukolo nafa ani ka baarakɛyɔrɔw dabɔ. Ka segin ka baara kɛ, ka fanga mara, walima ka dugukolo baaracogo ɲɛ: fura bɛɛ jate bɛ kɛ!
