Bambara
A la Une
Misira: Kaburu min si bɛ san 3000 bɔ, o sɔrɔla Luxor kɛrɛfɛ
Fɛnkɔrɔw ɲininikɛlaw ye kaburu dɔ Sɔrɔ Luxor kɛrɛfɛ min si bɛ sàn 3000 ɲɔgɔn Bɔ. Kɔnɔna na, ja kulɛrilenw bɛ ɲɛnamaya fan dɔw jira ani dannaya minnu bɛ Misira kɔrɔ la.
Kaburu in sɔrɔla Sheikh Abd el-Qurna sudon yɔrɔ la, Nil baji tilebin fɛ.
A ye cɛ dɔ ta ye min tɔgɔ ye ko Paser, ka kɛɲɛ ni sɛbɛnniw ye minnu sɔrɔla o yɔrɔ la. Fɛn dɔnbagaw dalen b’a la ko a bɛ daminɛ Ramesside waati la, o min ye masaya 19nan ni 20nan waati ye.
Jaw b’a jira ko Paser bɛ bonya da ala kan, ka sigi n’a muso ye saraka tabali dɔ ɲɛfɛ.
Fɛnkɔrɔw ɲininikɛlaw fɛ, o jaw nafa ka bon kosɛbɛ: u bɛ faamuyali ɲuman di u ma, Misira kɔrɔw tun bɛ ɲɛnamaya kɔfɛta miiri cogo min na.
Sɛgɛsɛgɛliw bɛna t’a fɛ. Sɛgɛsɛgɛlikɛlaw jigi b’a kan ka fɛn caman dɔn mɔgɔw kan minnu su donna kaburu kɔnɔ.
O cogo la, fɛn kura kelen-kelen bɛɛ bɛ dɛmɛ ka maana dɔ dafa min si bɛ san ba caman bɔ.
