Zimbabwe: Programu ya Kuwasaidia Wazazi
Nchini Zimbabwe, programu mpya huwapa wazazi ushauri wa jinsi ya kuwatunza watoto wao wadogo vyema. Afya, chakula, chanjo, kunyonyesha… wazazi wanaweza kupata taarifa rahisi na za kuaminika.
Programu hiyo inaitwa Rerai Umtwana, ambayo ina maana ya « kumtunza mtoto. »
Iliundwa na Wizara ya Afya na Ustawi wa Watoto ya Zimbabwe kwa ushirikiano na UNICEF, kutokana na usaidizi wa kifedha kutoka kwa serikali ya Japani.
Wazazi wanaweza kupata ushauri kuhusu lishe ya watoto, chanjo, kunyonyesha, maendeleo, na jinsi ya kuwatunza vyema.
Programu inaweza pia kufanya kazi nje ya mtandao mara tu itakapopakuliwa. Inapatikana kwa Kiingereza, Kishona, na Kindebele, lugha tatu zinazozungumzwa nchini Zimbabwe.
Kwa nini programu hii ni muhimu? Kwenye mtandao, wakati mwingine mtu anaweza kupata taarifa za uongo au ushauri mbaya. Rerai Umtwana inaruhusu wazazi kupata taarifa zilizothibitishwa zote mahali pamoja.
Zimbabwe ni nchi ya kwanza barani Afrika kuzindua toleo lake la jukwaa hili la kimataifa la UNICEF.
